Өлең, жыр, ақындар

Мамырстан

  • 14.02.2021
  • 0
  • 1
  • 618
«Бусырмандар» бұқтырып, Киевіңді,
Аласартты тым асқақ, биігіңді.
... Қарт Қонжықтың қолынан шықты билік,
Тартып жүрміз біз содан күйігіңді.
Көңіліңнің түбінен тиек кетіп.
Бодан жұртқа қыз бердің иектетіп,
Жасамақшы ең барлығын Дешті Қыпшақ,
Сіңді олардың қулығы сүйекке өтіп.

Бір қателік жібердің
Ғұмырлық шын,
Ақылшың кім?
Білмедің!
Кім ұрлықшың?
Әкең Артық қыз берді кәпірлерге,
Жақсыға да, жаманға ...
Мұрындықсың.
Мемлекет күйреді Қыпшақ деген,
Жүрегімді
Ауыртты дық сап көнең.
Қобыланды батырды жоқтаймын да,
Қобыланды батырға
Ұқсап келем.
Шығады екен шындықтың
Түбінде үні,
Пісетұғын тарихты күбің міні ...
Енді мың жыл өткен соң
Тағы біреу,
Отырмасын жазғырып,
Бүгінгіні.



Пікірлер (1)

Пікір қалдырыңыз

Талдықұдық болды да

  • 0
  • 1

Талдықұдық болды да
Тал бесігің,
Өміріңнің сен аштың мәнді есігін.
Шұнақ құла ат – бастауы жігіттіктің,

Толық

Үлбіреген нәп-нәзік шырқың қандай?

  • 0
  • 1

Үлбіреген нәп-нәзік шырқың қандай?
Қарай берем көзіңе тылсым бардай.
Тылсым бардай, жүрегім қымсынғандай,
Жарар еді тіл қатсаң тыншымды алмай.

Толық

Боқжамамды көтеріп бостым, лақтым

  • 0
  • 1

Боқжамамды көтеріп бостым, лақтым,
Жалын жуды көз жасым қос құла аттың.
Сіреп түскен санама сары уайым,
Енді кімді басқадай дос қымақпын?

Толық

Қарап көріңіз

Басқа да жазбалар