Өлең, жыр, ақындар

Ұлытау

  • 21.02.2021
  • 0
  • 0
  • 1474
Әр тасыңда тарихым бар сарқынды,
Жүйрік жылдар түсіре алмас парқыңды.
Көз алмадым шодыр-шодыр шоқыңнан,
Сес көрсеткен айбынымен тартымды.
Жырлай алсаң бір-бір дастан әр саға,
«Хан орданы» «Ақ ордамен» пар сана.
Бауырыңда өтті қырқыс жойдасыз,
Қарап тұрдың міз бақпастан баршаға.
Сұлулық жоқ келбетіңе тең келер,
Пәс көңілге текті тұрқың дем берер.
Қасиетті сенің әрбір сілемің,
Ұлылықты күндемейді пенделер.
Таңғы ауамен терең алып тынысын,
Асқақ жатыр жаралғандай жыр үшін.
... Жойқын жорық басталарда даламда,
Ат ойнатып, тізе қосқан Ұлысым.
Түскен кезде мұқым елге ұлы сын,
Жинағанда батысы мен шығысын.
Алты алаштың ұлы келіп, бірігіп,
Қазағымның туын тіккен шыңысың.
Кім біледі, бәлкім содан Ұлысың.



Пікірлер (0)

Пікір қалдырыңыз

Шығармады қу тірлік шеңгелінен

  • 0
  • 0

Шығармады қу тірлік шеңгелінен,
Тайқып кетті бір бақыт келгенімен.
Сәби-көңіл көнбейді алып-қашып,
Сартап сана салғанға көнгенімен.

Толық

Тамшыбұлақ

  • 0
  • 1

Тамшыбұлақ – мөп-мөлдір ...
Сарқылмаған,
Шашылады сан моншақ жарқылдаған.
Кәусарлықты тек сенен табам келіп,

Толық

Барқадар таппай бақидан

  • 0
  • 1

Барқадар таппай бақидан,
Әумесер болып әуліктім.
Қатыгез екем Батидан,
Бата алмай қалды

Толық

Қарап көріңіз