Мұқағали!Еңсесі зор,қадірлі елеулі есім – Омар Закиров

Мұқағали!
Еңсесі зор,қадірлі елеулі есім,
Шын ақын жасырады елден несін.
Толғанып төгілгенде өлең шашу,
Ұрпаққа қалдырыпты өнегесін.

Сыршыл ақын өлең,жырға бар өмірін арнаған,
Әр сөзіне жұмсақ жүрек кең пейілі орнаған.
Поэзияның түпкілікті мағынасын түсініп,
Поэзияның аспанында қыран құстай самғаған.

Қарасаздың топырағы,салқын желі, тауыда,
Боздайтындай атамыздың өр бейнесін сағына.
Тіл өнері тоқырауға ұшыраған кезінде,
Мұқағали атам туды қазағымның бағына.

Сәби жүрек,боз баланың,қарттың жүрек сырын да,
Үш бақыттың,бар бағасын,атап айтқан жырында.
Абай,Мағжан тұлғалардан кейін бастап көш басын,
Ақындардың ақыны еді Мұқағали шынында.

Жүрегінің арызын,жүз өлеңмен толтырып,
Ұрпақ үшін жүрегінен шыққан сөзді
мол қылып.
Кейбір жазған өлеңдерін ел шырқап жүр ән қылып,
Тәуелсіздік туы астында,төрімізде жаңғырып,
Өлеңдері өз орны бар,бұл бас байлық ұрпаққа,
Мұқағали өлгенімен,өлең өлмес мәңгілік!!!