Өлең, жыр, ақындар

Беріле бермей қиялға...

  • 07.03.2021
  • 0
  • 0
  • 930
Беріле бермей қиялға,
Жағымды жырлар жазайын.
Беліме түскен құяңға,
Дәрігер берсін сазайын!

Ненің де болса шипасы,
Алладан болар қаласа.
Не көрмес бастың құйқасы,
Рахымы болар қараса.

Тежейтін керді бойдағы,
Келмеске қуып салайын.
Ұлғаймай тұрып ой дағы,
Ашайын жүрек сарайын.

Шеңбектеп алған қырсықты,
Шетінен қиып шешейін.
Сұғынып кірген тіл-сұқты,
Сүре жүзімен кесейін.

Байлаған бойды делсалдық,
Тірсектен алып тұсама.
Елік керге ер салдық,
Қалдырма мені құсаға!

Ауырса тәнім ширайды,
Жүрегім, миым жайында.
Қиындық деген қирайды,
Орын жоқ бүгін уайымға.

Шығайын топтан сурылып,
Бапкері өзім, өзімнің.
Қара жер қалсын қурылып,
Келмейді шаппай көз ілгім!..


Пікірлер (0)

Пікір қалдырыңыз

Абайын ұрпақ таныса

  • 0
  • 0

Шанағын көздің жас кептей,
Биікке қадам басты ептей.
Тәуелсіз елге айналды,
Абайын халқы әспеттей.

Толық

Қиялым қиыр кезіп шығандайды

  • 0
  • 0

Қиялым қиыр кезіп шығандайды,
Кедергі – шыққан төбем, «шың» алдайды.
Жаныма нәпсі билік айтқысы кеп,
Қорасы қораштықтың шығармайды.

Толық

Өзіммен шайқасып келем

  • 0
  • 0

Ей, менің, өтіп жатқан минуттарым,
Өмірдің жұқтыр бойға сый қып, нәрін.
Тамаша, қызық, думан, әуестіктің,
Бұл күнде жиыстырып, қидық бәрін.

Толық