Өлең, жыр, ақындар

Жолымды қара мысық – өсек кесіп

  • 09.03.2021
  • 0
  • 0
  • 412
Жолымды қара мысық – өсек кесіп,
Ызадан булығамын қос өкпе ісіп.
Ауысса бір үзім нан, бір шыны шай,
Қайтып біз ел боламыз есептесіп.
Сәнің бар, ақшаң барда күшің де көп,
Тұрады алға басып ісің, демек.
Пендені сыйлар болсаң ілтипатпен,
Аллаһтың ризасы үшін керек!
Даналар кеңестерін айтады мың,
Сонда да билік құрар сайтан ұғым.
Адамнан күтпеу керек,
Жақсылықтың –
Аллаһтан күту керек қайтарымын.
Бас алға қадамыңды бағып еппен,
Бар Аллаһ бәрін білер нағыз өктем.
Оң қолдың берген қайыр-садақасын,
Сол қолың білмесін деп уағыз еткен.
Мәңгілік, айтыңдаршы, күн кешті кім?
Білінбей өте шығар бұл бес күнің.
Қоздаған өсек, өтірік, күндестігің,
Аллаһтың ақиқатын білместігің!
Батқанша надандықтың құйына мың,
Жұртыма ұрттам су боп құйыламын.
Арамнан арашалап жүрегімді,
Бас қойып Бір Аллаһқа сиынамын!!!



Пікірлер (0)

Пікір қалдырыңыз

Осындай да бола ма екен тоқырау?

  • 0
  • 0

Осындай да бола ма екен тоқырау?
Мені біреу «байлап» тастап отыр-ау!
Қырық деген қамал алар кезім ғой,
Опыратын, жапыратын осынау.

Толық

Шексіздікті іздеу

  • 0
  • 0

Аспан түбі болмаған, шектелмеген,
Жетпес ешкім жол-сапар шеккенменен.
Мәнін әлі білген жоқ мәңгіліктің,
Бұл адамзат өзінше тексергенмен...

Толық

Біреуді біреу жәбірлеп

  • 0
  • 0

Біреуді біреу жәбірлеп,
Айнала айғай, дабыр көп.
Жүгенсіз мынау жалғанда,
Сабырлы ет, Аллаһ, сабырлы ет!

Толық

Қарап көріңіз