Өлең, жыр, ақындар

Жолымды қара мысық – өсек кесіп

  • 09.03.2021
  • 0
  • 0
  • 417
Жолымды қара мысық – өсек кесіп,
Ызадан булығамын қос өкпе ісіп.
Ауысса бір үзім нан, бір шыны шай,
Қайтып біз ел боламыз есептесіп.
Сәнің бар, ақшаң барда күшің де көп,
Тұрады алға басып ісің, демек.
Пендені сыйлар болсаң ілтипатпен,
Аллаһтың ризасы үшін керек!
Даналар кеңестерін айтады мың,
Сонда да билік құрар сайтан ұғым.
Адамнан күтпеу керек,
Жақсылықтың –
Аллаһтан күту керек қайтарымын.
Бас алға қадамыңды бағып еппен,
Бар Аллаһ бәрін білер нағыз өктем.
Оң қолдың берген қайыр-садақасын,
Сол қолың білмесін деп уағыз еткен.
Мәңгілік, айтыңдаршы, күн кешті кім?
Білінбей өте шығар бұл бес күнің.
Қоздаған өсек, өтірік, күндестігің,
Аллаһтың ақиқатын білместігің!
Батқанша надандықтың құйына мың,
Жұртыма ұрттам су боп құйыламын.
Арамнан арашалап жүрегімді,
Бас қойып Бір Аллаһқа сиынамын!!!



Пікірлер (0)

Пікір қалдырыңыз

Біреуді біреу жәбірлеп

  • 0
  • 0

Біреуді біреу жәбірлеп,
Айнала айғай, дабыр көп.
Жүгенсіз мынау жалғанда,
Сабырлы ет, Аллаһ, сабырлы ет!

Толық

Айтарым

  • 0
  • 0

Дауы бар, жаласы бар,
Меншілдік өктемдік бар.
Тыңдасаң жан ашығар,
Есінде көп кемдік бар,

Толық

Шыдамас

  • 0
  • 0

Қайда, шіркін, кесіп түсер шын алмас,
Көлбақа көп көлшігінен шыға алмас.
Ойы жұтаң, сөзі нәрсіз, тұрақсыз,
Адамдар бар арамызда шыдамас.

Толық

Қарап көріңіз