Өлең, жыр, ақындар

Қырықтың бесіндемін

  • 10.03.2021
  • 0
  • 0
  • 582
Қырықтың бел асар жас бесіндемін,
Өткізген есімде жыл, есімде күн.
Көп кісі ұмытса да тірлік жеңіп,
Ұлт ұлы деген жанның есіндемін.
Бұл жасты көргендер көп еселеп те,
Білінбей одан ары көшеді еппен.
Талайды жеткізбеді қатал өмір,
Қарды көрпе, көк мұзды төсек еткен.
Білемін, шаранамнан сыпырды кім?
Аялсыз өткен екен, шіркін ғұмыр.
Мың тәубе, Жаратқанға ризық берген,
Бұл күнде айтылуда шүкірлігім.
Берді Аллаһ, орын болып сұрағаным,
Жүректен туды жырым, сыналамын.
Жан – рухым, иман – сенім, мінәжатым,
Адамдық өлшемім бар Құран – арым.
Қырықтың тұғырланар бесіндемін,
Оң болды ойлағаным, шешімдерім.
Қаншама қаза болған парызым бар,
Күнәмді, о, Жаратқан, кешір менің?!



Пікірлер (0)

Пікір қалдырыңыз

Аспан асты

  • 0
  • 0

Ойларым мақсат еткен тірліктегі,
Қаншама қамшы бастым, бір бітпеді.
Ғұмырдың қырық жылын қыр асырдым,
Сонда да жұрттан асып, білдік нені?!

Толық

Беріле бермей қиялға...

  • 0
  • 0

Беріле бермей қиялға,
Жағымды жырлар жазайын.
Беліме түскен құяңға,
Дәрігер берсін сазайын!

Толық

Айтасың айналам деп озық елге

  • 0
  • 0

Айтасың айналам деп озық елге,
Қарайсың мойыныңды созып өрге.
Ақшамен өлшене ме дәрменіміз?
Кетпейік тоғытылып тозық «еңге!»

Толық

Қарап көріңіз