Қуандық Шаңғытбаев

Ей, туған жер, кіндік қаным жуған жер

Бұл бетте «Ей, туған жер, кіндік қаным жуған жер» атты Қуандық Шаңғытбаев жазған туған жер туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

21.03.2021
0
0
3987

Ей, туған жер, кіндік қаным жуған жер,
Дізе түріп, дүзде қаңбақ қуған жер.
Түңғыш менің тұсауымды кескен жер,
Тәй-тәй басып өмірде алғаш тұрған жер!
Ен-тұрқыңды кейін көрдім, шалқарым
Ғарышкерім, дарқан диқан, малқарым,
Жарты әлемге жатқан жалпақ жайылып
Ақиқатым, мехрабым да алтарым!
Күнің қиыр тау Алтайдан атады,
Атырау барып, айдынына батады;
Өрісі кең, ырысы бай, мейірбан
О, туған жер, бақтиярлар отаны!
Бұйра-бұлғын боз көдесін қуған жел,
Самал түнді, сайран сабат, думан бөп
Көз тұндырған көлеміңнен айналдым
Қазақстан, ғажабстан, туған жер!

Қуандық Шаңғытбаев ей туған жер кіндік қаным жуған жер Қуандық Шаңғытбаев өлеңдері

Пікірлер (0)

Пікір қалдырыңыз

Жиі қойылатын сұрақтар