Әбілда Аймақ

Келтіре алмай қор болдым елесіңді

Бұл бетте «Келтіре алмай қор болдым елесіңді» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2021
1
0
593

Келтіре алмай қор болдым елесіңді,
Мына түнге елесің неге сіңді?
Жер-дүниеге өзімді сыйғыза алмай,
Уақыттан көрдім-ау көресімді.
Сағынудан шаршайтын соқты шағым,
Ішім жалын, күрсінсем от құсамын.
Түсім шығар деп ойлап шошынамын,
Сүйегімді еріткен от құшағың.
Өзімді-өзім барамын танымай мен,
Бері даймен келіп ем, ары даймен.
Кеудеңе әкеп басымды сүйедім мен
Ерніңдегі қандырмай тарыдай мең.
Деп жүруші ем мен саған тең бе екенмін,
Бақытты да шығар-ақ енді өтер күн.
Сені ғана кеудемнің бесігіне
Бөлеп қойып, бөлектеп тербетермін.

Әбілда Аймақ келтіре алмай қор болдым елесіңді Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар