Өлең, жыр, ақындар

Өлең менен адаспаса болғаны

  • 15.04.2021
  • 0
  • 0
  • 651
Өлең менен адаспаса болғаны,
Жетті-ау деймін бәрінің де толғағы.
Ал Қәландар әлемге хат жолдады,
Есі барға бақ-дәулетің қонбады.
Әкімдердің уысына толмады,
Сонда да өлең абыройын қорғады.
Бұйырмай ма тілек тілеп еккені,
Бұйырмай ма несібе деп орғаны.
Өлең атқа мінгенімен «Пірім!» деп,
Жүрек күйреп, ортасынан тілінді өт.
Баяғыдай патшаларды жағалап,
Киелі өлең, әруақты жыр бүлінбек.
Өлең қазір көшеде жүр сандалып,
Кіл мазаққа неғылсын ол шамданып.
Ішқұса боп өртенеді оңаша,
Шенділерге жалбақтауға арланып.
Өлең менен адаспаса болғаны,
Жетті-ау деймін бәрінің де толғағы.
Ал Қәландар әлемге хат жолдады,
Есі барға бақ-дәулетің қонбады.



Пікірлер (0)

Пікір қалдырыңыз

Кеткен шылбыр үзіп менен

  • 0
  • 0

Кеткен шылбыр үзіп менен,
Үзіп күдер, үзіп көген.
Алла-тағала сыйлайтұғын,
Сен шығарсың «Қызық» деген.

Толық

Өлеңге ауды бүгін тағы толғағым

  • 0
  • 0

Өлеңге ауды бүгін тағы толғағым,
Өлең еді туғаннан-ақ қорғаным.
Мына заман бетпақ, арсыз, байдікі,
Кедей ақын жырлап өтер ел қамын.

Толық

Әкемді еске алып...

  • 0
  • 0

Түсіме кірші менің, кірші менің,
Мен-дағы тіршіліктің дүрсілі едім.
Неге сен алыстадың менен, әке,
Жанымды жалғыздық жеп күрсінемін.

Толық

Қарап көріңіз