Өлең, жыр, ақындар

«Жұлдызда» тұрам...

  • 19.04.2021
  • 0
  • 0
  • 605
«Жұлдыз» деген ауылда тұрамын...
Шаң басқан жолдар жолдасым.
Қаладан қиян жырақта тұрамын,
Даламен туыс болғасын.

«Ауылдан» берген күркем бар қызық,
Бұраң да бұраң қабырға,
Бұйырған болар сірә да,
қисық,
Бұраң да бұраң
жолыма.

Ит өлген жерде тұрғаным үшін,
Иттей ғып талап, жықты ма?
Жұлдыздай жарық жырларым үшін,
«Жұлдызға» қуып тықты ма?

Жұлдызда тұрам, табар ма екем,
Адасып қалдым жер сенен,
Төменге қарай алар ма екем,
Жұлдыздай биік еңсеммен?

Ал, Айды болса, жақыннан сүйем,
Алыстан аңсап жүруші ем,
Жырақтап қалдым сондықтан Күннен,
Күншығыс жақта тұрушы ем.

Бұйыртса енді қырыққа толам,
Қырыққа дейін сарқа мұң,
Қаладан бір үй бұйыртпай қойған,
Алматы саған не айтайын?

2015 ж.



Пікірлер (0)

Пікір қалдырыңыз

Күн өлмейді біз екеуміз өлсек те

  • 0
  • 0

Күн өлмейді біз екеуміз өлсек те,
Бақыт құсы адасып кеп қонса-шы?
Күнсіз мұңның болатынын көрсек те,
Бұлтсыз күннің туар шағы болса-шы?

Толық

Ұмытпастай бірге қызық кешпедім

  • 0
  • 0

Ұмытпастай бірге қызық кешпедім,
Ұмытпастай құпиямды шешпедің,
Бірақ, неге күн-түнімді бодандап,
Ұмытпастай, айтшы, маған не істедің?

Толық

Әлдеқайда жеңіл мына қоғамды

  • 0
  • 0

Әлдеқайда жеңіл мына қоғамды,
Мас адамның көзіменен қараған.
Бәрі ішкен, мен де ішем,
Жалаңды,

Толық

Қарап көріңіз