Ұстаз

Көкірегіңнің аршыған тұнбасын кіл,
Тәлімгердің таудай зор тұлғасын біл:
Ұлы міндет атқарған ұстаз деген,
Ақылгөйің әрі дос, сырласың бұл.
Білім беріп, арманға жол бастаған,
Ұрпақ үшін бейнеттен ол қашпаған;
Ұстаз деген – тілеуқор әкең сынды,
Қиынға сап, мәпелеп, қорғаштаған!
Бағып-қағып ұрпағын ұясында,
Әр баланы балайтын шын асылға:
Ұстаз деген – мейірбан анаң сынды,
Қанат беріп ұшырған қия-шыңға!..

---