Өлең, жыр, ақындар

Өзгермеді ештеңе, өзгермеді

  • 28.05.2021
  • 0
  • 0
  • 700
Өзгермеді ештеңе, өзгермеді,
ауыздыға арсыздар сөз бермеді.
Ыңыршағы көрінген атты айдаумен,
қақпайлаумен келеді ездер мені.
Күш көрсетіп біріңе,
біріңе айбар,
жол беретін түрі жоқ сұмырайлар.
Тез жерінем десең сен,
осылардың
өздерінен аумайтын ұрыға айнал.
Су жұқтырмас керемет дарыны бар,
аттан түсе қоймайды әлі бұлар,
Сүйеу болу үшін де бір-біріңе,
тірлігіңе солардың тәлімін ал.
Алпыс екі тамырлы айласы бар,
үйренгенің өзіңе пайда шығар,
ақталады жастайғы азабың да,
ар-ұятың қашпайды! Қайда асығар.
Құрық бойлап көрмеген қулығы бар
ішің күйсе — түз жала, булығып ал,
Ұнамайық,
ұнайық, амал қанша,
заманыңа лайық туды бұлар!



Пікірлер (0)

Пікір қалдырыңыз

Барарсың да батыл үдеп

  • 0
  • 0

Барарсың да батыл үдеп,
түсер бір кез ой басқа,
ар азабы ақыры кеп,
өкіндірмей қоймас та.

Толық

Сездім де қабағында сызат барын

  • 0
  • 0

Сездім де қабағында сызат барын,
арамыз ушығуын ұзатпадым.
Қарсы айтар жауабымды,
сауалымды

Толық

Қайғымды қалай ғана бүркемекпін

  • 0
  • 0

Қайғымды қалай ғана бүркемекпін,
қарғам-ай, қарап тұрып діңкелеттің.
Ықпаған жолбарыстан жүрегімді
көжектей асыранды үркек еттің

Толық

Қарап көріңіз

Пікірлер