Өлең, жыр, ақындар

Кезімізде қызулана қыз құшар

  • 31.05.2021
  • 0
  • 0
  • 920
Кезімізде қызулана қыз құшар,
құдайым-ау, дейтіндер кім бізді шал?
Самайыма қарамасын қарындас,—
қылаулаған қырау ғой ол күзгі сәл.
Елуіңді — ердің жасы, дейді ел де,
басқа қандай белгілер бар бейнемде?
Қатарынан озған ағаң, емес пе ем,
бозбаладан бұрын шығып кей белге.
Айырбастап ала алмайтын алтынға,
тістерім де,
күш,
демім де қалпында,
Арулардың ажарына татырлық
айбын да бар,
айдын да бар,
бар тұлға!
Бой түзеуге болмады деп мұршамыз,
тұрғыластар, түңілмейік мұнша біз,
Елікпейтін, желікпейтін несі бар,
жас жігіттен жақсы көріп тұрса қыз!
Ақ түндермен алмастырып күндізді,
елуің де ерттеулі атқа мінгізді,
Бәріне де даяр тұрған жайым бар,
қай антұрған қартайды деп жүр бізді!



Пікірлер (0)

Пікір қалдырыңыз

Бойымдағы барша қуат, екпінмен

  • 0
  • 0

Бойымдағы барша қуат, екпінмен,
тыныш өмір сүре қойған жоқпын мен,
маңдайымды тауға тіреп, тасқа ұрып,
таңдайымды таң нұрына кептіргем.

Толық

Жерді сат!

  • 0
  • 0

— Қарсымыз! — деп қаһармен айта алмасақ ел құсап,
өнбес дауды қуып та керегі не енді ұсақ,
керіп өңеш, кеңірдек жырта бермей, ағайын,
"қатын-бала қамы" деп,

Толық

Осы бір «дерт» кеудеңді меңдемесе

  • 0
  • 0

Осы бір «дерт» кеудеңді меңдемесе,
Тәуір жігіт едің-ау сен де кеше.
Ермейтін-ақ сияқты ең ед сөзіне
Бермейтін-ақ сияқты ең пендеге есе...

Толық