Өлең, жыр, ақындар

Экспромт

  • 31.05.2021
  • 0
  • 0
  • 407
Әй, тексізім, тексізім,
не қыласың өбектеп,
сен кіретін жоқ тізім,
енді бізден — бөлек кет.
Суда құйып қолына,
суыл қағып жүрегің,
тектілердің тобына
қосыла алмай, жүдедің...
"Өтсем!" — дедің өтініп,
өзіңді өзің сүйрелеп,
жарлау жерден секіріп,
тарлау жерден кимелеп.
Шықтың кейде тым шектен,
сен бе, бірақ, мойындар, —
ойып тұрып бір шеттен
орын алмақ ойың бар...
Жасырам деп ізіңді,
асырам деп айлаңды,
сұрың неге бұзылды,
тілің неге байланды?!
Еті тірі ептінің
бірі ғана шығарсың,
тізіміне тектінің
неге сонша құмарсың?
Қалай қарай кетті ізің?
Қорқа берем қарадай!
... Тексізі мен бетсізін
тайраңдатқан заман-ай!



Пікірлер (0)

Пікір қалдырыңыз

Менің де "у мен өртке" толды-ау ішім

  • 0
  • 0

Менің де "у мен өртке" толды-ау ішім,
Жетпейді әудем жерге зор дауысым,
Келіп ем достықты да қолдан иіп,
Көріп ем тон да киіп — тоңбау үшін.

Толық

Осыншалық батырып таңда мұңға

  • 0
  • 0

Осыншалық батырып таңда мұңға,
тағдыр, мені тағы да алдадың ба? —
Алтын балық қолымнан сусып шығып,
құр әуресі қалыпты-ау қармағымда!

Толық

Жын ұрып па жамандап?

  • 0
  • 0

Тұратын көңілінде шуақтап ән,
ұлың ем үмітіңді туа ақтаған,
Жұртым-ай, барасың ба майдаланып,
шіркін-ай, қайда барып қуат табам?!

Толық

Қарап көріңіз