Ит жоқ жерде – Сәкен Иманасов

Бұл бетте «Ит жоқ жерде» атты Сәкен Иманасов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 31.05.2021
  • 0
  • 0
  • 1063
Ит жоқ жерде —
шошқа да үріп қораға,
би жоқ жерде
құл жүреді жораға, —
керуен біткен кері айналған тұста бұл
аңдып тұрып,
алға түспей бола ма?!
Қорлана кеп нала,
жала,
құсаң да,
қыстығып ең,
қанатың жоқ ұшарға,
көз жасынды көрді, білем, жасаған,
тілеуіңді берді, білем:
түс алға!
Қара құлдай
қайтып алған тендігін,
елден озып шыға келдің сен бүгін,
қас-қағымда жиғандайсың есінді,
болам деп те қиналмайсың... енді кім.
Төрағасы боласың ба Кеңестің,
беттен қағып,
бедірейер жоқ ешкім.
Тіл табысып
күлгендермен кешегі,
талтаң басып жүргендермен теңестің.
Қыстырылып босағаға,
төр тимей. 
серпілмей де келіп едің, желпінбей,
екпініңмен елді ықтырып
әп-сәтте,
тидің келіп түнгі дала өртіндей!
Енді ешкімнен қоймассың да имене,
берді құдай
кер бұғыдай кимеле,
аласың ба,
саласың ба — өзің біл, —
түйедейді айырбастап түймеге!
Түгел жұмсап алпыс екі айланы,
айырылма азуыңнан пайдалы.
Қораға да үр,
жораға жүр —
өзің біл,
керуен қайта айналғанша қайда әлі!


Пікірлер (0)

Пікір қалдырыңыз

Жиі қойылатын сұрақтар

Ит жоқ жерде өлеңінің авторы кім?

Сәкен Иманасов — осы өлеңнің авторы.

Ит жоқ жерде өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ит жоқ жерде өлеңі не туралы?

Бұл өлеңде Сәкен Иманасов өз ойы мен сезімін көркем түрде жеткізеді.

Ит жоқ жерде өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері