Өлең, жыр, ақындар

Жауқазындай жайдарлы үні

  • 09.06.2021
  • 0
  • 0
  • 873
Зейнеп Қойшыбаеваға

Тентек жылдар текке кетпей, қапыда өтпей қайран күн,
Өліп-талмай, солып қалмай жауқазындай жайдарлы үн,
Ару қыз бен асқақ ұлдың бәрін жолға қаратып,
Қазақстан аспанының бұлбұлына айналдың.
Сылаңдаған сиқырлы әуен, сұлу сымбат бейнемен
Ел көзіне еліктей боп ерте түскен Зейнеп ең.
Мейір қанар, бойыңды алар ұлттың ұлы ырғағы
Сенің ғана көмейінде тұр ма деймін кейде мен.
Сахнаға сен шыққанда тоты құстай таранып,
Қошеметпен қол соғады үлкен-кіші бәрі анық.
Әлдекімше атақ іздеп жүгірмейсің сен бірақ
Өзіңді-өзің жарнамалап, әлекедей жаланып.
Әлдекімдер айырбастап ала алмайтын алтынға
Өзі-ақ іздеп тапты сені атағың да, даңқың да.
Келесің-ау тыңдаушыңның құлақ құрышын қандырып
Қазағыңның дәл өзіңдей қарапайым қалпыңда.
Барша бейнет артта қалып, жеттің бүгін зейнетке,
Алтын алқа тағынарсың, малынарсың көйлекке.
Талай ұрпақ мақтанатын болады әлі, мен білсем,
Елдеспін деп, жерлеспін деп Қойшыбаева Зейнепке!



Пікірлер (0)

Пікір қалдырыңыз

Сені ме?

  • 0
  • 0

Сені ме бір...
деумен-ақ,
сені ме бір!..
сергелдеңге түскені-ай сері көңіл!

Толық

Азамат деп жүргенім

  • 0
  • 0

Азамат деп жүргенім,
айырылса беделден,
Сен айтпасаң —
білмедім,—

Толық

Теріс қарап түксиіскен, түнерген

  • 0
  • 0

Теріс қарап түксиіскен, түнерген,
Не жақсылық күтем дейсің бүл елден.
Еркіндікті алсақта ойып ортадан,
ескілікті аңсап қойып жүрем мен.

Толық

Қарап көріңіз