Өлең, жыр, ақындар

Тұңғиық теңiз түбiне

  • 22.06.2021
  • 0
  • 0
  • 563
Тұңғиық теңiз түбiне
Отырма ойды батырып.
Шаттан, күл туған күнiңде
Шараптан ұрттай отырып.
Санамай тiлiн сағаттың,
Жанымыз тауып жарасым,
Қып-қызыл нарттай шараптың
Қызуы қанға тарасын!
Өткен бiр күнге наз артып,
Балалық шақты есiңе ал.
Күлсең, күл көңiл тазартып,
Жыласаң, жыла, несi бар?!
Не ойласаң бүгiн мақұл-ды,
Кештiң де мынау Сен – көркi.
Аңқылдақ мендей ақынды
Сүйемiн десең – ол да еркiң!
Демеймiн мен де: «сүймешi»,
Бəрi де бəрi жарасар.
Қалып та қоям үйде осы
Қарсылық етпей, қаласаң.
Алқына соғып жүрегiң,
Əн шырқа, биле, күл, ойна...
Қамшыдай қысқа бұл өмiр
Өтiп те кетер былай да!



Пікірлер (0)

Пікір қалдырыңыз

Көзiмнен сырғып лағыл жас

  • 0
  • 0

Көзiмнен сырғып лағыл жас,
Көкiрегiм сыздар, күрсiнсең.
Қарақат көздi қарындас,
Жайыңды айтшы, кiмсiң Сен?

Толық

Түрме

  • 0
  • 0

Аша алмай өле-өлгенше түрме есігін,
Тербеймін таң атқанша түн бесігін.
Мен де бір,
Гүлзардағы бұлбұл да бір

Толық

Сен маған қарамағын мұнар көзбен

  • 0
  • 0

Сен маған қарамағын мұнар көзбен,
Өткенмiн сылқым бикеш сынар кезден.
Ақшулан Алатаудың аңғарындай
Менiң де көкiрегiмдi тұман кезген...

Толық

Қарап көріңіз