Өлең, жыр, ақындар

Ерке қыз-ау, елгезек, елiк көңiл

  • 23.06.2021
  • 0
  • 0
  • 551
Ерке қыз-ау, елгезек, елiк көңiл
Жұмақстан жұртынан келiп пе едiң?
Желiккенiм, əлде, бұл, елiткенiм –
Қабағыңа қараудан зерiкпедiм.
Айымбысың,
Қарғам-ау, қайыңбысың?
Майысады ырғалып мəйiн мүсiн...
Қас пен көздiң арасы қайдан келдiң
Қанатыңды қаққылап қайыл құсым?
Түсiмбiсiң,
Жаным-ау, өңiмбiсiң?
Өзiңбiсiң өлеңiм – көңiл құсым?
Қыз Жiбек пен Төлеген тəрiзденген,
Жар iздеген жiгiттiң теңiмiсiң?
Зеңгiрмiсiң,
Зермiсiң,
Зеренбiсiң?
Теңiздейiн тұңғиық тереңбiсiң?
Мен iздеген əлде ақық өлеңбiсiң?!
Қалмайыншы көз жазып сенен құсым.
Келдiң ұшып қай жақтан қас-қағымда
Кезiкпеген құсым-ау жас шағымда?
Керегедей керiлiп көкжиегiм,
Кеңiп салды-ау лезде аспаным да!
Қалшы осында,
Кетпешi,
Үрiкпешi.
Уылжыған көңiлдi iрiтпешi.
Ажарыңа болайын мен-ақ қайыл,
Назарына өзгенiң iлiкпешi...
...Қанатыңды, құсым-ау, қаққаның не?
Қайырылмай ұшып бара жатқаның не?
Көк мұнарға айналып кеткенi ме,
Көз алдымда көлбеген əппақ дүние?..
Көк төрiне,
құсым-ау, кеткенiң не,
Көрiк болмай көңiлдiң көктемiне?
Өрiм қыздың бiзден де өткенi ме,
Қоңыр күздiң бiзге де жеткенi ме?



Пікірлер (0)

Пікір қалдырыңыз

Қуаныш Төлеметке

  • 0
  • 0

Қайда бүгін бүршігін жарған қайың?
Кім түсініп, кім ұғар жалған жайын?
Көкіректе бір үміт жылтырайды
Көл түбіне малтыған маржандайын.

Толық

Базары қызық бал күннен

  • 0
  • 0

Базары қызық бал күннен
Қаламай жүрiп гүл өзге
Қалайша суи қалдым мен
Өзiңнен, қалқам, лезде?

Толық

Әліппе

  • 0
  • 0

Қараңғыны қалаймын...
Жарықты өшiр.
Мақпал түнге малынсын мамық төсiң.
Саусағыммен сипалап зағиптардай

Толық

Қарап көріңіз