Өлең, жыр, ақындар

Мен сенi көрмегелi көп күн өттi

  • 23.06.2021
  • 0
  • 0
  • 626
Мен сенi көрмегелi көп күн өттi,
Аймалап талай бұлт өптi көктi...
Көңiлге ағыл-тегiл күй қалдырып,
Ақ бейiл – нөсер легi төктi де өттi...
Өзiңдi белгiсiзге тапсырғалы
Жанардан талай-талай жас құрғады.
Момақан жүрегiмдi ертелi-еш
Қамайды уайымның қасқырлары.
Есiңнен шығара алмай сен де менi,
Қинай ма шөл – ернiңнiң шөлдегенi?..
Сүйенiп кiрпiгiңе, бəлкiм, сенiң
Түн болса ұйқысыздық сенделедi...
Күз келiп,
жанарыңа шық тұрғалы,
Келмесiн сол көктемнiң ұқтырғалы, –
Көзiңе тұман тұнған, кiм бiледi,
Мен болып көрiне ме жұрттың бəрi!
Əлде, өксiп, атасың ба қарғыс – оқпен,
Қауышқан сайын суық жар-құшақпен?
Көңiлiң алай-дүлей күйде ме əлi,
Сияқты жал-жал толқын жарды соққан?..



Пікірлер (0)

Пікір қалдырыңыз

Көмескi тартқан шақта көңiл-айнам

  • 0
  • 0

Көмескi тартқан шақта көңiл-айнам,
Көрiктiм, таба аламын сенi қайдан?
Тəрк еткен Перiштедей пенде жұртын
Алыстап кетесiң-ау сен де бiр күн…

Толық

Күнәһар

  • 0
  • 0

Асылдың арзандауы мүмкін бе екен? –
Байқаймын, бүгін құлқың, күлкің бөтен.
Қасқырды көргендейін қойға шапқан
Жүрегім неге сонша жұлқынды екен?..

Толық

Жұпарға

  • 0
  • 0

Тамағың пiсiп тұрса түсте сенiң,
Тарығып, мұнша əуреге түспес едiм.
Дəм түгiл талқан ғұрлы татымы жоқ
Сорпасын өзағамның iшпес едiм.

Толық

Қарап көріңіз