Өлең, жыр, ақындар

Ақтарсам жүректегi жайдың бəрiн

  • 01.07.2021
  • 0
  • 0
  • 468
Ақтарсам жүректегi жайдың бəрiн.
Мен сенiң қуанышың, қайғыңдамын.
Қарап ем,
көзiң, қалқам, – айдын екен,
Жүзiп жүр аққу емес, айдында мұң.
Моншақ па?
Жанардағы тамшы мұң ба?
Тамшы мұң сенiң татар талшығың ба?
Жанарға үйiрiлген жасты көрiп
Жазықсыз жаным менiң жаншылуда.
Кiршiксiз көңiлiңе кiрбiң iлмей,
Құлпырып өссең деп ем қыр гүлiндей.
Кеудеңде бiр көк теңiз тулай ма əлде,
Мазасыз менiң мынау тiрлiгiмдей?
Сымбатты, сұлу жүзге сызат қонып,
Бiр сезiм ұшты ма əлде ұзаққа алып? –
Дертiңе дауа болар дару таппай
Дал болдым жүрегiмдi жүз ақтарып.
Бiр сөздi табуым хақ қалайда iзгi;
Тiлегiм – мұң шалмағай арай жүздi.
...Ақылдан адастырып бұл Қуаныш,
Бұл Қайғы табыстырар талай бiздi...



Пікірлер (0)

Пікір қалдырыңыз

Қарағым, сiз қайдағы, бiз қайдағы

  • 0
  • 0

Қарағым, сiз қайдағы, бiз қайдағы...
Көңiлдi, көктем көшiп, күз жайлады.
Құздан да биiк бiлем қыз құзыры,
Қылдан да нəзiк бiлем қыз байламы.

Толық

Жалғыздық

  • 0
  • 0

«Қазақтың жігітінен дос таба алмай...»
Ажалын торға түсіп, тосқан аңдай,
Қарайды екі көзім қарайғанға
У қосқан шарап толы тостағандай.

Толық

Бір жұлдыз

  • 0
  • 0

Жұлдыздар сөндi. Ай ауды.
Ататын таң да таяулы.
Iлсемшi бiр сəт көзiмдi,
Бiлсеңшi, жаным, аяуды.

Толық

Қарап көріңіз

Басқа да жазбалар