Өлең, жыр, ақындар

Жанарыңда жаз күнi жайнағандай,

  • 15.07.2021
  • 0
  • 0
  • 576
Жанарыңда жаз күнi жайнағандай,
Таңдайыңда таң құсы сайрағандай.
Балдай тəттi лебiзiң балбыратып,
Алпыс екi тамырды жайлағандай.
Жалғыз ауыз сөзiңнен «жаным» деген
Жас жiгiттiң жүрегi жайрағандай.
Бiр мiнiң жоқ сызылған тал бойыңда,
Қатар өскен ұқсайсың тал-қайыңға.
Қай жiгiттiң бұйырып маңдайына,
Қай жiгiттiң қарайсың хал-жайына?
Құдай өзi сұлу ғып жаратқан соң
Күз келсе де хақың жоқ сарғаюға.
Сəмбiталдай сəн қандай, сымбат қандай?!
Жұпар сеуiп маңайды гүл жапқандай.
Үлбiреген ерiннен уыз дəмдi
Уылжыған бiр сезiм үн қатқандай.
Зеренiңде – көзiңнiң тереңiнде
Жан баласы бiлмейтiн жұмбақ бардай...



Пікірлер (0)

Пікір қалдырыңыз

Бұл жерде болмаса да халық бөтен

  • 0
  • 0

Бұл жерде болмаса да халық бөтен,
Мен сенi алыс жаққа алып кетем.
Ол жақта Еңлiк пен Кебектейiн
Өмiрдiң өткiземiз бөлек тойын.

Толық

Мен Тазы бола алмадым жылмаңдаған

  • 0
  • 0

Мен Тазы бола алмадым жылмаңдаған,
Жылдарға жете алмадым жылдамдаған.
Соңынан қу түлкінің қуамын деп
Несіне құла дүзде құрбан болам?

Толық

Əкелші

  • 0
  • 0

Əкелші,
ақ жүзіңді мен сүйейін,
Тамсанып: «Тағы, тағы келші» – дейін.
Өмір бойы көркіңді көзім керіп,

Толық

Қарап көріңіз