Өлең, жыр, ақындар

Экспромт

  • 15.07.2021
  • 0
  • 0
  • 393
Саусағың жүзiк салған əппақ қана,
Майысып шəй құясың баптап қана.
Тəңiрiм тал бойыңды шашпай-төкпей
Алтыннан құйған бiлем аптап қана!
Ажарың адамзаттан бөлек екен
Алдырмас аңызаққа, аптапқа да.
Түнегiң тiлегiңе көне қоймас,
Жүрегiм, алабөтен атқақтама.
Əр қимыл, қылығыңды əнге қосып
Жүрейiн жұрт алдында мақтап қана.
Соңыңа түсiп алып ойда жоқта
Сорыңа кезiкпегей батпақ қара…
Тап келгей таланыңа таңдағаның
Табаны таймайтұғын қатқақта да.
Табысса Ай мен Күндей екi жақсы –
Бесiкте тайдай тулап жатпақ бала.
Бал берiп, қаймақ берiп əке-шешең
Жүр екен сенi кiмге сақтап қана?..



Пікірлер (0)

Пікір қалдырыңыз

Тəн лəззатын таба алмай, жан құмарын

  • 0
  • 0

Тəн лəззатын таба алмай, жан құмарын
Сан жұлдызға телмiрiп сандырадым...
Көзiңдегi көлiңдi сарқып iшiп,
Қашан ғана шөлiмдi қандырамын?

Толық

Көбелегiм

  • 0
  • 0

Көбелегiм,
Көңiлiмдi неге көп бөле бердiң?
Көкейдегi сезiмдi көзбен айтып,
Көргенiмде нелiктен бөгелемiн?

Толық

Міскін

  • 0
  • 0

Сыртыңнан ептелесің,
Ішіңнен жек көресің.
Тесіктен сығалайсың,
Есікке кептелесің.

Толық

Қарап көріңіз