Өлең, жыр, ақындар

Əн айтсам теңселесiң, тербелесiң

  • 15.07.2021
  • 0
  • 0
  • 408
Əн айтсам теңселесiң, тербелесiң,
Теңiздiң мiнгендейiн жел-кемесiн.
Осынау үнсiз, мұңсыз қалпыңменен
Жаныма ем бересiң, дем бересiң.
Əн айтсам тербелесiң, теңселесiң.
Қинайды қиналғанда емшi емесiң.
Адаспай өң мен түстiң арасында
Есiктен еншi Елесiм, келшi Елесiм.
Əн айтсам тоқсан тоғыз құбыласың,
Не бiлiп, ненi iшiңнен ұғынасың?
Шығыстан шұға киiп шыққан Күндей
Көңiлiңнiң көрсем еттi шұғыласын?
Əн айтсам өзiңдi-өзiң ұмытасың
Құшақтап Ұлытаудың ұлы тасын.
Бiлтеңдi өшiп-жанған үрлей-үрлей
Дiңкемдi сонша неге құрытасың?
Əн айтсам...
Жо-жоқ, ендi доғарайын,
Өзiме, өзеуремей, оралайын.
Тұрайын айдалада қалғып-мүлгiп,
Ай қонған төбесiне моладайын...



Пікірлер (0)

Пікір қалдырыңыз

Түнде жазылған өлең

  • 0
  • 0

Көнілім алай-дүлей, ала-құла,
Ит құмар болып алды балағыма.
Қадалып ақ қағазға отырғанда
Қан ұйып қалмас па екен қаламыма?..

Толық

Сыңси ма, əлде, сарнай ма-ау?

  • 0
  • 0

Сыңси ма, əлде, сарнай ма-ау?
Қанаттары да талмайды-ау,
Қапыда келіп килікті
Қарақтарыма қандай жау?..

Толық

Мен сенi, жаным, түсiнем...

  • 0
  • 0

Мен сенi, жаным, түсiнем...
Күнəсiз құйттай құсым ең.
Қоңыр күз түрткi салғанда,
Ұяңды қимай ұшып ең...

Толық

Қарап көріңіз