Өлең, жыр, ақындар

Маңдайлы қыз

  • 15.07.2021
  • 0
  • 0
  • 676
Маңдайлы қыз,
Ұсынған балдай қымыз,
Бал қымызбен жiбiттiк таңдайды бiз.
Сiздiң жақта жауқазын бал-бұл жанып,
Бiздiң жақта салпы етек сарғайды күз.
Сiздiң жақтың қауымы сауыққұмар,
Саумал самал санаңды сауықтырар.
Сəл жел тұрса, үзiлiп сағағынан
Бiздiң жақта жапырақ жауып тұрар.
Сiздiң жаққа ұзамай жаз келедi,
Сəндi бақты сəруəр саз көмедi.
Алда-жалда болмаса, Жаратушы
Бiздiң жаққа көңiлiн аз бөледi.
Сiздiң жақтың əнi мен сəнi бақта,
Тарқамайды тамаша таң ұзаққа.
Бiздiң жақтың егiнi ерте орылып,
Адырлары айналды аңызаққа.
Жетi муза жетелеп жетi мұңды
Бiр сапарға бел буып, бекiнулi.
Сiздiң жақтың қауыны жаңа пiсiп,
Бiздiң жақтың кездiгi кетiлулi...



Пікірлер (0)

Пікір қалдырыңыз

Бұлбұл туралы аңыз

  • 0
  • 0

Ерте, ерте, ертеде
Ешкі жүні бөртеде,
Көмейінен бал аққан,
Елді аузына қаратқан,

Толық

Тәубе

  • 0
  • 0

Түскен сайын есіме бала кезім,
Тұнжыр мұңға тұншығар қара көзім.
Құла дүзді бетке алып құрыр ма едім,
Құбыладай болмасаң, Далам, өзің.

Толық

Өмір емес

  • 0
  • 0

Өмір емес,
Өмірім – өлермендік,
Өткен күнді тепкілеп терең көмдік...
Ештеңе жоқ алдымда алаңдарлық,

Толық

Қарап көріңіз