Өлең, жыр, ақындар

Өткен күннiң есте қалар қай күнi

  • 15.07.2021
  • 0
  • 0
  • 575
Өткен күннiң есте қалар қай күнi,
Аққудың да суалмай ма айдыны?
Төлегенше кiм сүйедi Жiбектi?
Мəжнүн болып кiм iздейдi Лəйлiнi?
Бұлбұл қайтсiн жадау-жүдеу жат бақты?
Кiм өмiрден басыбайлы бақ тапты?..
Таңдай қағып Ақан серi айтпаса,
Əнге айналып кетер ме едi Ақтоқты?!
Кiм арманда,
Кiм шерменде жалғанда?
Сұлулыққа арбалмайтын жан бар ма?!
У мен зəрiн ұсынбаса қу дүние,
Шекең шылқып шербетке əсте қанған ба?..
Кiм аймалап,
Кiмдер менi баурады?
Жалғыздықтан жаным қанша жаурады?..
Адам қайта қуана ма жасарып,
Заман қайта туа ала ма Лаураны?
...Маған да бiр керек едi Мадонна,
Таба алмасам тағдырға мiн тағам ба?
Маңдайыма жазылған бiр Махаббат
Бəлкiм, бəлкiм, жүрген шығар араңда...



Пікірлер (0)

Пікір қалдырыңыз

...Әлқисса

  • 0
  • 0

Айдынына аққу ұшып, қонса қаз,
Ән-думанын бастайды екен көл сабаз.
Көктем, шіркін, көзден ұшса, қонбай құс,
Көңілсіз күй кешеді екен көл байғұс.

Толық

Көк көйлек

  • 0
  • 0

Көктемде мынау көңілден көшсін қаяу-мұң,
Көк көйлегіңді киіп бір шықшы, аяулым.
Көк белмен көшіп, көкжиек асып кетейік,
Бетке алып біздер тамаша, думан, той аулын.

Толық

Қар жауып тұр...

  • 0
  • 0

Қар жауып тұр... Перінің қанатындай,
Көкке көзін сатады қала тынбай:
Тапшылықтан тауқымет тартқан жұртқа
Жақсылықтан бір хабар алатындай.

Толық

Қарап көріңіз