Кiм екен екеумiздi дуалаған – Исраил Сапарбай

Кiм екен екеумiздi дуалаған,
Ит қосып «Итжеккенге» қуалаған?
Хат жазып Алла атынан ақ қағазға
Күпiр деп, күнəлi деп куəлаған?
Кiм екен екеумiздi дуалаған
Арасын ақ-қараның сұрамаған?
Еңсесiн елес құрлы тiктей алмай,
Есiктiң аржағынан сығалаған?
Кiм екен екеумiздi дуалаған,
Аңдаусыз арамызға сыналаған?
Пейілiне пенделiктiң нендей шара,
Қимаған қылдай қызын мына маған?!
Кiм екен екеумiздi дуалаған?
Өзiмнен өзге ешкiмдi кiнəламан.
Құдай хақ,
Перiште пəк..,
Жан бар ма екен
Жалғанда құламаған, жыламаған?..
Кiм екен екеумiздi дуалаған,
Ит қосып «Итжеккенге» қуалаған?
Шүбəсiз, əмбеге аян бiр ақиқат –
Күнəсiз туды дейсiң кiм анадан!..
…Кiм екен екеумiздi дуалаған?