Өлең, жыр, ақындар

Ескi арықтан су ағар ылайланып

  • 15.07.2021
  • 0
  • 0
  • 736
«Ескi арықтан су ағар ылайланып,
Сырласайық екеумiз былай барып…»
Халық əнiнен

«Ескi арықтан су ағар ылайланып,
Сырласайық екеумiз былай барып…»
Сабағынан сүзiлген Сəмбiталдай
Сағат сайын барасың шырайланып.
«Ескi арықтан су ағар ылайланып,
Сырласайық екеумiз былай барып…»
Бұл жалғанда, құдай-ау, кiм бар, кiм жоқ,
Жыл артынан келгенше жыл айналып…
«Ескi арықтан су ағар ылайланып,
Сырласайық екеумiз былай барып…»
Қу далада «Қуыспақ» ойнайықшы,
Мен тазы да сен құмай сыңайланып.
«Ескi арықтан су ағар ылайланып,
Сырласайық екеумiз былай барып…»
Көк жұлдызын көзбенен санайықшы
Көк майсаға көлденең құлай қалып.
«Ескi арықтан су ағар ылайланып,
Сырласайық екеумiз былай барып…»
Сол жатқаннан екеумiз тұрмайықшы,
Аспан жерге түссе де шыр айналып!



Пікірлер (0)

Пікір қалдырыңыз

Бақыт қолда сусиды сынаптайын

  • 0
  • 0

Бақыт қолда сусиды сынаптайын,
Сынаптайын сырғиды күн, апта, айың...
Ай, жұлдызды əпер деп аспандағы
Артық-ауыс жүрекке жүк артпайын.

Толық

Нала

  • 0
  • 0

Ұрпаққа үлгім дарымай,
Жақсыға жұртым жарымай,
Барымнан жоғым көбейіп,
Тарылған пейілі, тəңір-ай!..

Толық

Бір күн озып бара жатыр бір күннен...

  • 0
  • 0

Бір күн озып бара жатыр бір күннен
Жылатып та, жұбатып та, күлдірген...
Шер түбіне жете алмадым сүңгумен,
Жер түбіне жете алмадым дүлдүлмен.

Толық

Қарап көріңіз