Өлең, жыр, ақындар

Айтпашы өткенiңдi, өтiнемiн

  • 16.07.2021
  • 0
  • 0
  • 621
Айтпашы өткенiңдi, өтiнемiн,
Жүрегiм – жылап қалар жетiмегiм.
Тылсымға кезiккендей, тiл байланып,
Күрсiнге толып кеттi-ау көкiрегiм.
Айтпашы өткенiңдi, сұранамын,
Батпай жүр бұл фəниде күнəға кiм?..
Тəңiрге тақуаша тəн бере алсақ,
Табармыз тазарудың бiр амалын.
Айтпашы өткенiңдi, тағы өтiнем,
Тiрлiкте – бақ баянсыз, бəле – түгел.
Болдым ғой беттескендей Нəлетiмен,
Болдым ғой ет кескендей сан етiмнен!..
Айтпашы өткенiңдi,
Мен сұраман.
Аяшы жүрегiмдi қансыраған.
Қай мұңлық ол байғұсты жаспен жуып,
Қай сұмдық ол бейбақты жаншымаған…
Айтпашы өткенiңдi…



Пікірлер (0)

Пікір қалдырыңыз

Жүрегім...

  • 0
  • 0

Дей жүріп қыз-қырқынға: «жаным, жаным...»
Қайткенің қапылыста қабынғаның?
Жазбаушы ең жайшылықта жүрісіңнен,
Апырай, жаңылғаның нағылғаның?

Толық

Нармахан Бегалиевке

  • 0
  • 0

Аттадым мен де елуге, сен де елуге,
Елумен неге асықтық «емделуге»?
Елесі егделіктің көлденеңдеп,
Төбесі көрінгендей көмбенің де...

Толық

Жапырақ кешер күн келді...

  • 0
  • 0

Шаңқай бір шақта шағынып
Айтарсың арзу кімге енді:
Жабырқау тұман жамылып,
Жапырақ кешер күн келді.

Толық

Қарап көріңіз