Өлең, жыр, ақындар

Қарғам-ау, Сiз қайдағы, бiз қайдағы

  • 16.07.2021
  • 0
  • 0
  • 527
Қарғам-ау, Сiз қайдағы, бiз қайдағы...
Көңiлге мұң мекендеп, күз жайлады,
Елесiң /өзiң түгiл/ еске түссе,
Жүрегiм сыздайды əлi, сыздайды əлi...
Сен кеттiң алты қырдан асып əрмен,
Үптелдi Алатаудың басы қармен.
Буына сары алтынның салмағы жоқ
Айналып қалғаны ма басың əлден?
Түсiме бiрде енесiң, бiрде енбейсiң...
Жымиып күлгендейсiң, сыр бермейсiң,
Беймəлiм, маған жұмбақ бiр əлемнiң
Iшiнде жалғыз өзiң жүргендейсiң.
Түсiме бiрде енбейсiң, бiрде енесiң...
Өрiктей елден бұрын бүрленесiң.
Бейiштiң өзiң жүрген бейiлi қандай? –
Мен байғұс бiлмеймiн ғой кiрмегесiн...
Мезi ғып бiттi менi мына Тамұқ,
Күн сайын мойыныма күнə тағып.
Жарығым,
Бейiшiңнен шықшы берi,
Жүректi жылаталық, жұбаталық...
Сол жүрек емес пе едi «Əлдиiмiз»
Қай жақта əлди айтқан қалды үйiмiз?
Көзiмнен бал-бұл ұшқан қарағым-ай,
Ендiлiк не болмақшы хал-күйiмiз?..



Пікірлер (0)

Пікір қалдырыңыз

Қарақат көз, қарағым, мойыл – жанар

  • 0
  • 0

Қарақат көз, қарағым, мойыл – жанар,
Қандай жiгiт қалаулы ойыңда бар?
Он сегiзге жеткенше ойын болар,
Он сегiзден өткен соң тойың болар.

Толық

Менің Мәжнүн – жүрегім

  • 0
  • 0

Кiмге керек бұл жүрек сен ұқпаған?!
Күз гүлiндей күн сайын семiп барам.
Кең дүние тұрғанда,
Кеуде деген –

Толық

Бойжеткен

  • 0
  • 0

Сыр бермеген сыңаймен сынай қарап,
Қиғаштайды қима қас, қынай қабақ.
Қыз баланың қылығы қыл үстiнде,
Қыл үстiмен қиямет кiм ойнамақ!

Толық

Қарап көріңіз