Мен бiр жылы ағыспын – Исраил Сапарбай

Мен бiр жылы ағыспын,
Мəйiн, жұмсақ əуенмiн.
Əлiмсақтан таныспын
«Əлдиiмен» əлемнiң.
Əуенiмдi тыңдасаң,
Əуеге ұшып кетерсiң.
Өлеңiмдi тыңдасаң,
Өзiмдi iздеп кетерсiң.
Таба аларсың, таппассың,
Онда емес мəн-мағына.
Мəңгiлiкке батпас Күн,
Таң атады тағы да.
Сол баяғы жарық күн,
Сол баяғы «сұм жалған» –
Тасасында табыттың
Талшыбығы бүр жарған.
Əуен маған – ашына,
Өлең – өзiм сал керiм. ...
Табытымның басына
Тəжгүл қояр əлдекiм...