Өлең, жыр, ақындар

Жерде емес

  • 16.07.2021
  • 0
  • 0
  • 497
Жерде емес,
Аспанда емес,
Ғайыптасың,
Бiлемiн сенсiз дертiм айықпасын.
Айналып елесiңе тым болмаса
Жанымда жарым түнде Ай ұйықтасын.
Басылсын мауқым бiр сəт Айды құшып,
Қашанғы зар қағамын қайғыны iшiп?
Азабы ақыреттiң аз болғандай,
He таптық бұл фəниден айрылысып?
Сүйемiн,
Сүйе берем,
Сүйiп келгем...
Төбесi көкке кiмнiң тиiп көрген?..
Кеттiң бе Барсакелмес аралына
Жосылып құба жонда киiктермен?
Тағдырым кiмге таңсық жылап-күлген?
Жайымды қай пiрəдар сұрап бiлген?
Айрылып ақыл-естен ғазиз басым,
Жалғанда жалғыз сенi ұнаттым мен.
Ай тұяқ, алтын жамбы киiгiм ең,
Үркiнiп қайда кеттiң үйiрiңнен?
Жазылған пешенеме Перiштем-ау,
Түссеңшi жерге таман биiгiңнен?..



Пікірлер (0)

Пікір қалдырыңыз

Түсінбей өтерсің сен мені...

  • 0
  • 0

Түсінбей өтерсің сен мені...
Адамның қайғысы –
Наданның менмені.
Ізгілік шетінер,

Толық

Әлдекім

  • 0
  • 0

Азарланып, безерленіп əл-демім,
Өзімді-өзім танымастай халдемін.
Кеудем ішін емін-еркін еншілеп,
Ен жайлаған сияқты ма əлдекім?..

Толық

Қар жауып тұр...

  • 0
  • 0

Қар жауып тұр... Перінің қанатындай,
Көкке көзін сатады қала тынбай:
Тапшылықтан тауқымет тартқан жұртқа
Жақсылықтан бір хабар алатындай.

Толық

Қарап көріңіз

Басқа да жазбалар