Өлең, жыр, ақындар

Сен өлеңсiң

  • 16.07.2021
  • 0
  • 0
  • 585
Сен өлеңсiң,
Тұп-тұнық тұма жырсың!
Тумай жатып туажат күнəлiмсiң.
Адам болып келген соң бұл фəниге
Сүймей, күймей күнəдан кiм арылсын?!
Тұма жырсың!
Ендеше, сен мендесiң,
Кеудемдесiң,
Шерлiсiң,
Шермендесiң...
Тəңiр сыйы – басыма тəж кигiзiп,
Пақырыңды патшаға теңгергенсiң!
Сүйдiм сенi,
Ес-түстен мəңгi айрылып,
Құбылаға құлдайын маңдай бұрып.
Тəуекелдiң түбiне тастай баттым,
Тағдырымның тəлкегiн таңдай бiлiп.
Сүйдiм сенi,
/Хақ куə бiр басыма/
Тұңғиықтың телмiрiп тұнбасына.
Əуезелеп айта алман мұны ешкiмге,
Айды əкелiп салса да Түн қасыма.
Сен өлеңсiң!
Өмiрге өлең ғашық.
Қара жердi сен үшiн келем басып.
Күтiп алар-алмассың құрақ ұшып,
Құтыла алар халiң жоқ менен қашып!..



Пікірлер (0)

Пікір қалдырыңыз

Қызығымен баурар дейсiң қай бiр күн

  • 0
  • 0

Қызығымен баурар дейсiң қай бiр күн.
Осыны ойлап қамықтым да қайғырдым.
Аруды аңсап айлы кеште айтар əн,
Кешiктiң ғой, кемелiңе қайта орал.

Толық

Жанарыңмен тұнық қара

  • 0
  • 0

Жанарыңмен тұнық қара
Есiмдi алдың, Лəйлi-елесiм...
Саусағыңды бүгiп қана
Қашан маған шəй бересiң?

Толық

Есiмнен тандырдың-ау, тандырдың-ау

  • 0
  • 0

Есiмнен тандырдың-ау, тандырдың-ау,
Көл-көсiр көз жасым ба жаңбыр мынау?
Үнiм бе күркiреген Хақтың күнi,
Мұның не, жан құрбым-ау, жан құрбым-ау?

Толық

Қарап көріңіз