Өлең, жыр, ақындар

Он бес күн

  • 16.07.2021
  • 0
  • 0
  • 585
(Айгүлге əзiл)

Болғанмен қанша сөзi бал,
Сезiмсiз жанды «сараң» дер.
Он бес күнiңдi өзiң ал,
Он бес күнiңдi маған бер.
Арманы Күннiң бату ма,
Аспан-Жер болса мекенi?
Бiрлесiп дəмiн татуға
Он бес күн бiзге жетедi.
Ащы да кермек Шындықтың
Ағытсам сырын амалдап:
Күйбеңi бiтпес тiрлiктiң
Күндесi болу – саған жат.
Өмiрден ерте безiнбе,
Өзiмшiл жанға ем қонбас.
Келiстi, кербез кезiңде
Керiмсал желге кеудеңдi аш!
Ұясы барда басатын,
Оралар қайта қаз кеткен...
Ұйқыңды шəйдай ашатын
Алдыңда əлi жаз, көктем!
...Бiр iнге келiп, түбiнде,
Ерте ме, кеш пе енбес кiм?..
Жер басып бiрге жүруге
Жетедi бiзге Он бес күн!



Пікірлер (0)

Пікір қалдырыңыз

Түсiмде көрдiм жалаңаш

  • 0
  • 0

Түсiмде көрдiм жалаңаш,
Өңiмде көрдiм жалаңаш.
Шарана кейпiң шала мас
Шайтанмен шарғи шамалас.

Толық

Күз...Қоштасу

  • 0
  • 0

Жаз бойына жапырақ жанып бiткен тəрiздi,
Өзегiнен өмiр – сөл ағып бiткен тəрiздi.
Қу ағашта қу бұтақ құлазыған көңiлдей
Қыс келуiн тезiрек талып күткен тəрiздi.

Толық

Айналғам мен елеске сенiң үшiн

  • 0
  • 0

Айналғам мен елеске сенiң үшiн,
Демейсiң: «Тiрiмiсiң, өлiмiсiң?»
Титтей де селт еткiзбес сезiмiңдi
Жеңiсiм, тiрлiктегi жеңiлiсiм.

Толық

Қарап көріңіз