Өлең, жыр, ақындар

Құттықтау

  • 22.11.2015
  • 0
  • 0
  • 2773
Қоздады, бүгін, қоздады,
Шабытты шаттық қозғады
Қаламның съезд иесі.
Толғаса толқи өтетін,
Қиялы көкке жететін,
Сөз біткеннің жүйесі.
Ақынды қозғап тербейтін,
Миллион сендер тергейтін,
Тарихта бұрын болмаған,
Адымын жауы алмаған,
Октябрь - сенің қамалың.
Басталды съезд мың күткен,
Терең сыр алыс сыр күткен
Өрісі ұзақ, айы алыс.
Социалды құрылысқа,
Көркем, күйлі тұрмысқа
Басталды ұлы аттаныс.
Өлмейтін мәңгі тарихта,
Сөнбейтін ізгі жарыста,
Қаламың, съезд, сақталад.
Жылан болсын у жұтқан,
У мен арам түн жұтқан,
Залым да сенен сақтанад?
Еңбекші таптың тілі сен,
Тілдің көркем гүлі сен,
Бұған да жұртың мақтанад.
Ендеше ал ендеше,
Міндетің сенің өзгеше,
Бұл съезде бәрін шеш!
Қателескен, қалысқан:
Қатесін қолдап қарысқан
Мінекей қатең мында дес;
Тілдердің тілін тербеткен,
Басында сөзді үйреткен,
Қалдырма қапы, толық көр!
Кемшілік тапсаң сының бер,
Өзгерсін мыңның мінезі.
Күтемін сенен көп күтем,
Көркемөнер күйлі сөз,
He күйге, әнге келмейтін,
Шәлдірік, шатпақ түзел тез!
Сағым киген көк дала,
Еңбекті колхоз көп дала,
Съезден ұлы сын күтед.
Күштерін күндей жүргізген,
Электр жұлдыз күлгізген,
Заводта сенен мың күтед.
Өрлеген, өскен өндіріс
Социалды құрылыс -
Талай күрес кешірген.
Күрсініп талай көміліп,
Қиыннан қиын көрініп,
Ақырда жауын өшірген.
Мінекей, съезд тіл керек,
Тіліңнен кесте гүл керек,
Ендеше бәрін шеш өзің.
Күйсіз көмек көрсетіп,
Тапсырып, талдап ес етіп,
Ал, қалам, серпіл, дес өзің!
Қоздады, бүгін қоздады,
Шабытты шаттық қозғады
Қаламның съезд иесі,
Толғаса толқын ететін,
Қиялы көкке жететін,
Сөз біткеннің жүйесі,
Жазушылар съезі!



Пікірлер (0)

Пікір қалдырыңыз

Қордайдан өткенде

  • 0
  • 0

Түн еді, жым-жырт еді, ыңсыз-шыңсыз,
Айтқандай айға әңгіме көкте жұлдыз.
Ақырын теңселеді биік таулар,
Төменде жерге сүңгіп құдиған құз.

Толық

Кәрібай шал

  • 0
  • 0

Күн суық қыстың күні, даласы қар,
Жол оңап жүргізбейді тағы да тар.
Жүк салып арық атқа өлең айтып,
Келеді ыққа қарай Кәрібай шал.

Толық

Біздің еңбек

  • 0
  • 0

Еңбек етіп езіліп жатқан еліне,
Жеміс егіп қазақтың ескі жеріне,
Жетім зарын, елдің қамын баяндап,
Үлгі берген еңбекші қазақ еліне.

Толық

Қарап көріңіз