Өлең, жыр, ақындар

Үш тал гүл

  • 19.07.2021
  • 0
  • 0
  • 764
Күткені келмей...
Күптігөй көңіл күнде алаң.
(Жоғалтып алған болар ма сені бұл ғалам?)
Ауқат пен саухат ауруханадан да табылар,
Келетін болсаң, ала кел үш тал гүл маған.
Келетін болсаң...
Ала кел маған үш тал гүл,
Құштармын гүлге,
Саған да, жаным, құштармын.
Аядай ғана бөлменің мынау ішінде
Қырмызы күннің қызығынан мүлде тыс қалдым.
...Ала кел маған ақ, сары, қызыл – үш тал гүл,
Сергісін көңіл,
Сейілсін бастан дұшпан-мұң,
Кезек пе кезек жұпарын жұтсам иіскеп,
Келер мe, бəлкім, басымнан бағзы ұшқан күн...
Сары гүл –
Менің сарғайған сартап сабырым,
Денемді өрттей шарпыған дертке дəрі бұл
Сары алтын тектес сабырыма тілеп саламат
Сағынышымды өзіме сыйла, жарығым.
Қызыл гүл –
Үлбір ұятына ұқсас жүзіңнің,
Жүзіңе қанша үздіге қарап үзілдім...
Қызыл гүл иіскеп,
Қызыл шарап ұрттап,
Қыз сүйіп..,
Өтіп те кетті-ау бұл бастан не бір қызу күн!.
Ал Ақ гүл –
Жаным, өзі екен арман-қанаттың,
Таңдарды таңға жалғайтын талмас талап бұл.
Көзімді менің терезе жаққа телміртіп,
Бөлмеге мынау қойды екен мені қамап кім?..
...Сарғайтты мені санаусыз бастан ұшқан күн,
Сергісін көңіл,
Сейіліп кетсін дұшпан-мұң,
Зəуеде, жаным, келетін болсаң жол түсіп,
Ала кел маған ақ, сары, қызыл – үш тал гүл...



Пікірлер (0)

Пікір қалдырыңыз

Лебiзiңе сенiп ем шырын, майда

  • 0
  • 0

Лебiзiңе сенiп ем шырын, майда,
Кешегi айтқан уəдең бүгiн қайда?
Келiссек те кергiмей, керi кетiп,
Келмей қойды-ау дүние бiр ыңғайға.

Толық

Бір күн озып бара жатыр бір күннен...

  • 0
  • 0

Бір күн озып бара жатыр бір күннен
Жылатып та, жұбатып та, күлдірген...
Шер түбіне жете алмадым сүңгумен,
Жер түбіне жете алмадым дүлдүлмен.

Толық

Қарап жүрмей жүрегiмдi сыздаттың

  • 0
  • 0

Қарап жүрмей жүрегiмдi сыздаттың,
Ой – телегей,
Телегейге шым баттым.
Жан-жүректi жарылқар ма екенсiң –

Толық

Қарап көріңіз