Шөмішбай Сариев

Дені сау адамдарға өмір — Жұмақ

Бұл бетте «Дені сау адамдарға өмір — Жұмақ» атты Шөмішбай Сариев жазған жәннат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

30.03.2022
0
0
1250

Дені сау адамдарға өмір — Жұмақ,
Кәусардай мөлдірейді көңіл — бұлақ.
Кеуденің сәулесіндей көз-жанары,
Тірліктен жайнап өтер небір шырақ.
Дерті бар адамдарға өмір — тозақ,
Дерті бар адамдардан өмір де озад.
Құдайым, бұл өмірге не жаздым деп,
Амалсыз көкке қарап қолын созад.
Жандардан ғұмыр кешкен сұра небір,
Гүлдермен өлкең жайнап тұнады өңір.
Кей пенде өз бақытын сезінбейді,
Дені сау адамдарға жұмақ өмір.
Тілекпен қолын көкке созады өмір,
Созса да тірі жаннан озады өмір.
Дені сау адамдарға өмір — пейіш,
Дерті бар адамдарға тозақ өмір.
Денсаулық — мініп тұлпар пырағына,
Тірліктің отын жаққан шырағыңа.
Ана жақта білмеймін, осы өмірде
Өмірдің тозағы да,
Жұмағы да!..

Шөмішбай Сариев дені сау адамдарға өмір — жұмақ Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар