Исраил Сапарбай

Кімге сенем?

Бұл бетте «Кімге сенем?» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.07.2021
0
0
948

Кімге сенем?
Сенетін дос қалмады.
Құлазыды көңілдің бостан бағы.
Жұлдыздарды жыбырқай көзіне ілмей,
Жабырқап тұр Ай да анау аспандағы.
Кімге сенем?
Жан-жағым – жапа-жалғыз.
Бірімізге-біріміз жат адамбыз.
Ағайынның ауылы аулақтады,
Əкеден ұл,
Алыстап атадан қыз...
Кімге сенем?
Қинады-ау сауал мына?
Дұшпан жайлап,
Іргемді жау алды ма?
Өлшеп кейде жатамын əуреленіп,
Бөлшектеуге келмейтін ауамды да.
Кімге сенем?
Жан бар ма серік болар?
Жон-жосығын айтпай ма беріп хабар?
...Күбірлейді бір үміт ту сыртымнан:
«Келіп қалар,
Сəл шыда,
Келіп қалар...»

Исраил Сапарбай өлеңдері кімге сенем?

Пікірлер (0)

Пікір қалдырыңыз

Жиі қойылатын сұрақтар