Өлең, жыр, ақындар

Менталитет

  • 20.07.2021
  • 0
  • 0
  • 796
...Иə, біз шымкенттікпіз,
Шымкенттенбіз!
Жарқын жаз,
Жаймашуақ гүл көктембіз!
«Өзге емес, өзім айтам өз жайымды» –
Тыңдаңыз,
Бас шұлғыңыз,
Шұрқ етпеңіз!
Бастаймыз сөздің басын «шешеңізден»,
Көз көргек,
Көңіл көлпар,
Көшеміз кең!
Атымтай ат шалдырып аулымызға,
Дос болған Əзəзіл де кеше бізбен.
Майысқақ, мінезіміз – майда шыбық,
Кетеміз Ажалдан да айла асырып!
Жатамыз бақырдан да бақыт тауып,
Тарыдай табысты да пайдасынып.
Қағілез түрімізбен қарасақал
Боламыз болмашыға балаша таң.
Баталас бапкеріміз – Алдаркөсе,
Əпенді – атбегіміз алашапан.
Ұлықтап,
Үй сыртына ат байлатып,
Қонақты қарсы аламыз «лəппайлатып».
Тойға да қам жасаймыз елден бұрын
Тоқал ұл, бəйбіше қыз таппай жатып.
Біздегі той – ертегі,
Базар – аңыз...
Шаң басса, шалшықпен де тазарамыз.
Ішіңді уəдемен кептіреміз,
Өзбекше мұның аты – «бажарамыз»!
Мейілі, таласыңыз,
Бал ашыңыз:
Қазақтың қаймағы мен сарасы біз!
Əйгілі Асан қайғы – түп атамыз,
Жиренше шешен – біздің нағашымыз!
Құдайдың күнде келсін құт қонағы –
Басады «жоқтың» орнын «құп, болады!».
...Тағы бір мейман, міне, аттан түсті
Сөзімді мына менің құптағалы!
...Иə, біз шымкенттікпіз,
Шымкенттенбіз!
Іргесін шымнан өрген шын кенттенбіз.
Халықтың «қазақ» деген қаймағымыз,
Қаймақтан дəм татыңыз, сырт кетпеңіз.
...Иə, біз шымкенттікпіз,
Шымкенттенбіз!



Пікірлер (0)

Пікір қалдырыңыз

Ағызып өткен аттай даламенен

  • 0
  • 0

Ағызып өткен аттай даламенен,
Мен кетем...
Қайғы кешіп қалады өлең.
Қара түн қара шашын қобыратып,

Толық

Елес

  • 0
  • 0

Бəрі де кеш!
Дүние – қаратүнек,
Жарық емес.
Есіктен жарым түнде сығаламай

Толық

Қорқытты көрдім түсімде

  • 0
  • 0

Қорқытты көрдім түсімде:
Қобызсыз,
Қоңсыз пішінде...
Дүміне жалау байлаған

Толық

Қарап көріңіз

Басқа да жазбалар