Өлең, жыр, ақындар

Аға рухына

  • 20.07.2021
  • 0
  • 0
  • 735
Аға рухына
Сен бізден озып кеттің, озып кеттің,
Азаны мен ғазалын созып көктің.
Кеңпейіл кеңістікті кезіп кеттің,
Тар құрсақ қара жерден безіп кеттің.
Сен бізден ұшып кеттің Алла жаққа,
Деместен Жұмақ жұрты бар ма, жоқ па.
Қондырып таң намазын таңдайыңа
Арасын жер мен көктің жалғамаққа.
Сен бізден ұшып кеттің Алла жаққа,
Салмайын дедің бе екен жанды азапқа.
Қанағат айтып кеттің қалғандарға,
Аманат артып кеттің əр қазаққа...
Сен бізден алыстадың, алыстадың,
Қара жер екен ғой деп қарыс қадым.
Ақ қанатты періште кейпіне еніп
Көрдік біз көкке қарай жан ұшқанын.
Көрдік біз көкке ұша алмай тəн қалғанын,
Жалп етіп өшкен шамдай жалғанда бұл.
Көндік біз, көнбегенде қайтуші едік,
Біздерге бұйырғай деп қалған дəмің...
Көндік біз көзден жасты бұлап тұрып,
Азан мен ғазалыңа құлақ түріп.
Кірпікке көгенделген көз жасында
Тұрған соң күнəсіз, пəк Шуақ күліп!..



Пікірлер (0)

Пікір қалдырыңыз

Арман

  • 0
  • 0

Алып таудың
Басында қалықтау – мұң.
Алып тауға шығамын деп жүргенде
Екіндіге таялып қалыпты-ау Күн.

Толық

Жүрісінен жаңылған жорғадайын

  • 0
  • 0

Жүрісінен жаңылған жорғадайын
Қона бермес бақ құсы қолға дəйім.
Бұлбұл ұшып кетті деп гүлзарынан
Борша егіліп несіне қорланайын.

Толық

Аңсау

  • 0
  • 0

Егiлдiм саған, төгiлдiм,
Ғашықтық сырын мың айтып.
Өткiншi мынау өмiрдiң
Өзiмшiлдiгi мұңайтып.

Толық

Қарап көріңіз