Өлең, жыр, ақындар

Аяғын басар кердеңдеп

  • 20.07.2021
  • 0
  • 0
  • 675
Аяғын басар кердеңдеп
Аспани жақтан келгем жоқ.
Ақикөз, апайтөстерге
Тегімді бермен телмеңдеп!
Жақсыға еріп марқайдым,
Жаманды көріп қартайдым.
Еңкейсем, деме «еңкейдің»,
Шалқайсам, деме «шалқайдың».
Көңілім менің – əппақ ай,
Əппақай бұлтқа батпағай...
Сабырым менің – сары алтын,
Мінезім менің мақтадай.
Олжаға оңай түсетін,
Өзін жеп, өзін ішетін,
Жеміске жеңсік ұқсаймын.
Уылжып іштен пісетін.
Үркектің көрсем үйірін,
Бүлкілдей бастар бүйірім...
Сыртына сырын алдырмас
Ішімде жатыр иірім.
Көрінсем, кешір, кейде асқақ,
Бейіл жоқ менде бейбастақ.
Тілімді тістей қоямын
«Ірімін мен де!..» дей бастап.
Опасыз жерде ой қозғап,
Опат та болған кей боздақ...
Ұятымды алам оятып,
«Ұлымын мен де!» – дей жаздап.



Пікірлер (0)

Пікір қалдырыңыз

Көшеде қалған итке

  • 0
  • 0

Құйрығыңды қысып ап қыңсылайсың,
Кімге налып, кімдерден құн сұрайсың?
Əрі өткенге телміріп, бері өткенге,
Жүрегімді аяусыз шымшылайсың.

Толық

Бiлектей арқасында өрген бұрым

  • 0
  • 0

«Бiлектей арқасында өрген бұрым»
Сұлуды бүгiн емес, көргем бұрын.
Тағдыры талай шаштың еске түссе
шығады көкiрегiмнен шерменде үнiм.

Толық

Сарыала күз салқындады

  • 0
  • 0

Сарыала күз салқындады,
Сағындырған қалпың кəні?
Жалған жақұт сияқтанып
Жерде жамбы жалтылдады.

Толық

Қарап көріңіз

Басқа да жазбалар