Өлең, жыр, ақындар

Жалғыздық

  • 20.07.2021
  • 0
  • 0
  • 459
«Қазақтың жігітінен дос таба алмай...»
Ажалын торға түсіп, тосқан аңдай,
Қарайды екі көзім қарайғанға
У қосқан шарап толы тостағандай.
У қосқан тостағандай шарап толы
Қасірет, қажетіңе жарат мені!
Күйікті баса алмаған шарап па еді?
Биікті аса алмаған қанат па еді?!
Қазақтың дос таба алмай жігітінен
Несіне бордай босап үгітілем?
Тəңірден тəубе тапқан тағдырыммен
Талайдың тас жүрегін жібітіп ем...
У қосқан тостағаным, төгілмеші,
Қабырғам, қайыспашы, сөгілмеші.
Қайтейін, қарға адымым қарға малтып,
Қайтейін келмей қойса көңіл хошы.
Ай жалғыз,
Құдай жалғыз,
Мен де жалғыз...
Жақсыға жарымаған кембағалмыз.
Жалғыздың жауы да көп, сауы да жоқ,
Құдай-ай, енді қашан ел болармыз?..



Пікірлер (0)

Пікір қалдырыңыз

Тəтті күннің тауысып талай дəмін

  • 0
  • 0

Тəтті күннің тауысып талай дəмін,
Өтті білем басымнан бал айларым? –
Ерте күздің нұрымен енді, міне,
Еріте алмай отырмын самай қарын.

Толық

Көзiмнен сырғып лағыл жас

  • 0
  • 0

Көзiмнен сырғып лағыл жас,
Көкiрегiм сыздар, күрсiнсең.
Қарақат көздi қарындас,
Жайыңды айтшы, кiмсiң Сен?

Толық

Азу тісі – көкала, қатқан сүңгі

  • 0
  • 0

Азу тісі – көкала, қатқан сүңгі,
Алдым да артым ақтүтек Ақпан сынды.
Аяғыма оралып ақ Қаншығы
Арлан қасқыр мені аңдып жатқан сынды.

Толық

Қарап көріңіз