Өлең, жыр, ақындар

Жамбасы шірігенше жатқан қар-ау

  • 21.07.2021
  • 0
  • 0
  • 388
Жамбасы шірігенше жатқан қар-ау,
Демейсің алдымда жаз, көктем бар-ау.
Айрылған ажарынан, базарынан
Бірауық аясаңшы бақтарды анау.
Жатқаның жайбарақат кімге ұнайды,
Алтын нұр қашан сені «бұрғылайды»?
Жұмағы жерге көшіп келсе екен деп,
Аузыма ала берем бір Құдайды.
Алтын нұр, «Алтынкүрек» – жылы ағысым,
Қайда əлгі... алқын-жұлқын бұла күшің?
Қамалын қардан соққан бəтшағарды
Ойдан да қырдан қуып шығамысың?
Сөйтші енді,
Сөйте қойшы тездеп кел де,
Бояу жақ бозаң дала, боз бөктерге.
...Жауып тұр жапалақтап қар маңайға,
Ауып тұр көңіл жазға, көз көктемге...



Пікірлер (0)

Пікір қалдырыңыз

Аңсау

  • 0
  • 0

Кімге керек мұңды өлең, қайғылы өлең?
Көк жүзіне көз салсам, Айды көрем.
Ол да бүгін бүркеніп бозғыл бұлтын,
Жасырғандай бір тылсым жайды менен...

Толық

Алып кетшi аспанға менi, жаным

  • 0
  • 0

Алып кетшi аспанға менi, жаным,
Қара жерде қалқайып неғыламын?
Бүгiнде қайырымның халi мүшкiл,
Бүгiнде шайырыңның шерi қалың.

Толық

Ақсақал

  • 0
  • 0

Ақиқатты мына бір аңғаршы, жұрт:
Ақсақал аз біздерде, шал баршылық.
Əлімсақтың əйгілі əлқиссасы:
Кəрі ағаштың ғұмырын жалғар шыбық.

Толық

Қарап көріңіз