Темірхан Медетбек

Желді күнгі орман

Бұл бетте «Желді күнгі орман» атты Темірхан Медетбек жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

20.06.2022
0
0
858

Орман iшi – гуiлдеген! –
Сарынға толып кеттi.
Уiлдеген!
Ағынға толып кеттi.
Ағаштар – баса көктеп! –
Бiр-бiрiн жұлқылап жатыр.
Сарыала жапырақтары
Шашылған шоқтай боп
Бұрқырап жатыр.
Бұтақтарын көкке кезенiп
Сермеп қалады.
Ашу мен ызасы –
Тұла бойын
Кернеп барады.
Бұлттар да осы жерге
Жиылып қалған.
Қап-қара боп
Түйiлiп қалған.
Ағаш бiткен
Бойларын жинай алмай
Еңкiлдеп тұр.
Бойларын жинай алмай
Селкiлдеп тұр.
Оларда жазылмас
Азап жатқандай:
Балта, арамен
Кескендерге қарсы,
Өкпесiн ойып
Тескендерге қарсы
Бүкiл ағаштар
наразылық бiлдiрiп
Митингi жасап жатқандай.

Темірхан Медетбек желді күнгі орман Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар