Өлең, жыр, ақындар

Екі байлық

  • 22.07.2021
  • 0
  • 0
  • 575
Бір басыма екі байлық бұйырмай,
Қашқан Бақыт қанды ойнатты-ау құйындай!
Тұнығыма түкірем де түңілем,
Тұлыбына мөңіреген сиырдай.
Пенделіктің пейілінен аса алмай,
Кенделіктің қалыбынан қаша алмай,
Əлденеге алаңдаймын абыржып,
Əлдекімнің əбілеті басардай.
Ібілістің жетегіне ергендей
Шеке тұсты шерткілейді шерменде ой.
Желігімді баса алатын түрім жоқ,
Желке үзіліп, жеті қабат жерге енбей!
Тəңір көзі түссе екен деп бір маған
Тыным таппай тырбанам да…
Құр қалам.
Кім болды екен қызылымды қылғытқан?
Кім болды екен қызығымды ұрлаған?
Екі байлық: бірің - өгей, бірің - жат,
Екі жақтан есімді алдың ырылдап.
Ертелі-кеш арасында екеудің
Жазған басым жай таппай жүр шырылдап!..



Пікірлер (0)

Пікір қалдырыңыз

Ғажапсың, Өмір, ғажапсың!

  • 0
  • 0

Ғажапсың, Өмір, ғажапсың!
Қайғыдан қалай азатсың?
Таңғы ауаңменен талдыршы,
Тамырда қаным таза ақсын.

Толық

Індет

  • 0
  • 0

Қазақта кім ішпеген бұл арақты..,
Қайтеміз жаттан іздеп кінəратты?
Шөлмегін қолындағы шошаңдатып,
Бір тойда бір қария «уралапты».

Толық

Адамға Ар – таразы əлімсақтан

  • 0
  • 0

Адамға Ар – таразы əлімсақтан.
Жазадан жалт бере алмас жанын сатқан.
Нəмəртқа,
Не айла бар намақұлға,

Толық