Өлең, жыр, ақындар

Терісқақпай

  • 22.07.2021
  • 0
  • 0
  • 935
Шатпағы шатты-бұтты, шала-бұла,
Шаруам жоқ шарлатанда ала-құла.
Қанша ақын қайтып кетті дүниеден
Қайғы мен қан ұйытып қаламына…
Қанша ақын қабірінде ұмыт қалды,
Қанша асау қу мойыннан құрықталды?..
Қай шортан қарағайдың басын шалып,
Қай заман қайта туды Ұлықпанды?
Көзге атса Ажал-мерген құралайды,
Құлжаңыз құздан қалай құламайды?!
Қай қазақ бұлдап жатыр бұл өлеңді?
Қай қазақ тыңдап жатыр ұлы Абайды?
Ханнан да,
Қайыр қашып қарадан да,
Құлагер құт болмай тұр аламанға.
Балталы Батырашың сөз бе, тəйірі,
Қалталы қазымырға қарағанда!
Аунақшып төсегінде ақын дара,
Төрде отыр төс кеміріп əкім-қара.
Салмағы сары алтындай қара сөздің
Қадірін қайдан білсін қатын, бала…
Иə, солай,
Солай, солай, тасбауырым,
Мазамды майқандады-ау мас кəуірің!..
Қайтесің «қу ағашты» тыңқылдатып,
Одан да Батыстың бір баста əуірін!!!



Пікірлер (0)

Пікір қалдырыңыз

Шұғылажан

  • 0
  • 0

Елжiреп ескен желдей Құбыладан
Еркiмнен айырдың-ау, Шұғылажан.
Жел керген желбегейiн желқайықтай
Желпiнiп сала бердi-ау бүгiн ағаң!

Толық

Ешкімді

  • 0
  • 0

Ешкімді,
Керек етпен ештеңені.
Көңілім – көне қобыз, көшкен өңі.
Бұт қысып бұралқы иттей қыңсылаған

Толық

Шаштараз

  • 0
  • 0

Əлия,
Қолың алтын, жаның асыл,
Жiгiттiң сенi сүйген бағы басым.
Тiзiлтiп тiстерiндi күлген сайын

Толық

Қарап көріңіз