Саясатсымақтарға – Исраил Сапарбай

Бұра тартып,
Бұлдаған бірдемесін
Кісімсінген немелер кімді елесін.
Саясаттың сары езу сабаздары,
Бір сөзіме тати ма күллі егесің?!
Тікенектей қылтиған тірі Елесім,
Сонша неге шалқайып, шіренесің?
Білмейсің-ау, білмейсің,
Тəж бен тақтың
Алла сыйы алдында түк емесін!
Сайлы сая,
Жайлы орын,
Жүйрік көлік..,
Құзырыңнан түспейсің құйрық көміп.
Тас төбеңнен, қайтесің, тау құласа
Жаратқаннан бір күні бұйрық келіп?
Айтөбелім,
Болмаса Бəйтерегім,
Қабағына қараймын қай «төренің»?
Осы отырған бойыңда ұрмай-соқпай
Қағып алсам жыныңды, қайтер едің?!