Өлең, жыр, ақындар

«Кеңсай» мен Кент арасы таяқ тастам

  • 22.07.2021
  • 0
  • 0
  • 485
«Кеңсай» мен Кент арасы таяқ тастам,
Алдыңнан аруақ шығар, аяқ бассаң.
Асырып айла-амалын Ажал шіркін
Бір күні ап кете ме оятпастан…
«Кеңсай» мен Кент арасы көк пен жердей,
Көк пен жер көкжиекпен шектелгендей.
Арада Өмір деген өр өзен бар
Жататын жаз, көктемде өткел бермей.
«Кеңсай» мен Кент арасы бір-ақ адым,
Сен оның жөн-жосығын сұрамағын.
Тағы да аяқталды ай, аптаңыз,
Тағы да таяп қалды Жұмаға күн…
Келмейді «Кеңсайлықтар» қала жаққа,
Қимайды жарық күнді жаманатқа.
Жұп жазбай жұмағында жатыр олар
Жұмбағын тастап қойып жамағатқа.
«Кеңсай» мен Кент арасы таяқ тастам,
Алдыңнан аруақ шығар, аяқ бассаң.
Сайдан да, сағымнан да сая таппас
Саннан да, санаттан да саяқ қашқан.
«Кеңсай» мен Кент арасы таяқ тастам…



Пікірлер (0)

Пікір қалдырыңыз

Өмiр бiзге бiр-ақ келер, көп келмес

  • 0
  • 0

Өмiр бiзге бiр-ақ келер, көп келмес,
Лəззат лебi азаппенен өткелдес.
Шын махаббат, бiле бiлсең, шырайлым,
Үйленумен,

Толық

Қараша

  • 0
  • 0

Жаңбыршаң бұлт жабағыланды,
Жабылып Күннің қабағы қалды.
Көзайым көктем, жайдарман жаздың
Жапырағы көшіп, сабағы қалды.

Толық

Ақ қайыңды көремін қыз баладай

  • 0
  • 0

Ақ қайыңды көремін қыз баладай,
Жапырағын жұлмағай ызғар оңай.
Ұзақтайын демесең қасыма кел,
Сіз – ақ қайың болғанда, біз – қарағай.

Толық

Қарап көріңіз