Өлең, жыр, ақындар

Miнe, тағы ашу келіп, алқымыма тығылды

  • 24.11.2015
  • 0
  • 2
  • 12942
Miнe, тағы ашу келіп, алқымыма тығылды,
Ақылымның есігінен аттай бере жығылды.
Көлдей тұнық көңіліме қоқыс тастап лайлап,
Кей пенделер қайнатады-ау, қайнатады-ау зығырды.
Інім айтса бас изедім, ағам айтса қош көрдім,
Жанның бәрін жатырқамай, жақсы дедім, дос көрдім.
Араларын ажырату мұншама ауыр болар ма,
Адалдық пен арамдық деп аталатын қос белдің.
Мақұл дейін, кінә өзімде, өзіме айып тағайын,
Ақ жаныма, пәк жаныма қалай күйе жағайын.
Адалсың ба, қолынды бер, сенен тәлім алайын,
Арамсың ба, аулақ-аулақ маңайымнан, ағайын.
Арым, міне, сүттей аппақ алдыма кеп жылап тұр,
Жаутаңдаған жанарында жалғыз ғана сұрақ тұр.
Өмірдегі адамдықты, адалдықты теріп ал,
Қалғандарың құлан жортпас құла дүзге лақтыр!



Пікірлер (2)

BTS. offijctal

Өте керемет өлең бірақ жаттау қиые екен

Амина

Жылап отырмын ????

Пікір қалдырыңыз

Бала шақтан - болашаққа

  • 2
  • 2

Қырық-отыз құрым үй Жиектегі,
Қырқадағы орақта ниеттері.
Шешем бөлеп, ұйықтатып, бесігіммен,
Керегеге кетіпті сүйеп мені.

Толық

Ауыздықтап тұра алсын арманды кім

  • 1
  • 4

Ауыздықтап тұра алсын арманды кім,
Жай таптырмас жаныңа жалған бүгін.
Байыздамай өмірден біз де өтерміз,
Болашаққа қалдырып қалған жүгін.

Толық

Құмған алған...

  • 1
  • 6

Құмған алған,
Суға барған,
Сұлуымды сағындым.
Мұқағали Мақатаев

Толық

Қарап көріңіз