Өлең, жыр, ақындар

Кешегі кербез жиырмабес...

  • 22.07.2021
  • 0
  • 0
  • 416
Кешегі кербез мəз емес жігіттің жайы –
Тақырдай қаңсып таусылды жіліктің майы.
Төзімді жалап-жұқтаған төсекке ене
Өзеуреп өшіп қалады қос өкпе неге?
Шіреніп тұрып тартатын адырна кəні?
Қауқарсыз неге, құдай-ау, қазіргі амалы?
Белдегі қуат, бойдағы бесатар қайда?
Тимеді атқан бытырам кеше торғайға...
Желөкпе қызды жетектеп желпінетін едік,
Жетпегір жүрек неге ерте ентігеді келіп?
Опалы тұста оталмай білтелі мылтық,
Күн өткен сайын барады діңкені құртып.
Қолыммен сипап қоямын қорамса сыртын,
Кешегі кербез Жиырмабес оралса, шіркін!..



Пікірлер (0)

Пікір қалдырыңыз

Тұңғиық теңiз түбiне

  • 0
  • 0

Тұңғиық теңiз түбiне
Отырма ойды батырып.
Шаттан, күл туған күнiңде
Шараптан ұрттай отырып.

Толық

Үш тал гүл

  • 0
  • 0

Күткені келмей...
Күптігөй көңіл күнде алаң.
(Жоғалтып алған болар ма сені бұл ғалам?)
Ауқат пен саухат ауруханадан да табылар,

Толық

Сен – Бойжеткен, Мен – Жiгiт

  • 0
  • 0

Сен – Бойжеткен, Мен – Жiгiт,
Сен Ай болсаң, Мен бiр Күн.
Жақсыларша жөн бiлiп
Танысайық, кел, құрбым.

Толық

Қарап көріңіз